Autorët e një studimi të mbështetur në një projekt hulumtues masiv në Bangladesh thonë se rezultatet e tyre janë dëshmia më e mirë deri më tani se përdorimi i gjerë i maskave mund ta kufizojë përhapjen e koronavirusit në komunitete.
Studimi që përfshiu mbi 340 mijë të rritur në 600 fshatra në pjesët rurale të Bangladeshit është hulumtimi bindshëm më i madh rreth efikasitetit të maskave në parandalimin e përhapjes së infeksioneve, shkruan The Washington Post.
Autorët e studimit thonë se ai ofron dëshmi vendimtare nga terreni për atë që e sugjerojnë fuqishëm puna laboratorike dhe hulumtimet tjera: përdorimi i maskave mund të ketë ndikim të konsiderueshëm në kufizimin e përhapjes së rasteve të Covid-19 me simptoma.
“Mendoj se kjo në thelb i jep fund çfarëdo debati shkencor rreth asaj nëse maskat mund të jenë efektive në luftimin e Covid-it në nivel të popullsisë”, tha Jason Abaluck, ekonomist në Yale, i cili ndihmoi në studim. Ai e cilësoi hulumtimin si “gozhdë në arkivol” të argumenteve kundër maskave.
Sipas të dhënave të studimit, grupi i njerëzve që përdorën maska patën pakësim prej 9.3 për qind të rasteve me simptoma dhe 11.9 për qind më pak simptoma.
Autorët e studimit, të cilët vijnë nga pjesë të ndryshme të botës, theksuan se kjo nuk do të thotë që maskat janë vetëm 9.3 për qind efektive.
“Mendoj se gabim i madh do të ishte që të lexohet ky studim dhe të thuhet: “O, maskat mund t’i parandalojnë vetëm 10 për qind të infeksioneve me simptoma”, tha Abuluck. Shifra ndoshta do të ishte disa herë më e lartë, nëse maskat do të ishin përdorur në mënyrë universale, tha ai.
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
