Shangai: Politizimi i origjinës së COVID-19 do t’i pengonte hetimet e mëtejshme dhe do t’i minonte përpjekjet globale për të frenuar pandeminë, tha ambasada e Kinës në Amerikë pasi Presidenti Joe Biden urdhëroi një hetim nga shërbimet sekrete të vendit që të hetojnë për origjinën e virusit.
Ambasada kineze në Uashington tha në një deklaratë në faqen e saj në internet të mërkurën (më 26 maj) në mbrëmje se "disa forca politike janë fiksuar në manipulimin politik dhe në lojën e fajit".
Ndërsa Organizata Botërore e Shëndetësisë (OBSH) përgatitet të fillojë një fazë të dytë të studimeve për origjinën e COVID-19, Kina ka qenë nën presion për t'u dhënë hetuesve më shumë akses mes akuzave që SARS-CoV-2 rrodhi nga një laborator i specializuar kërkimesh për koronavirusë në qytetin Wuhan.
Kina ka mohuar vazhdimisht se laboratori ishte përgjegjës, duke thënë se Shtetet e Bashkuara dhe vendet e tjera po përpiqeshin të tërhiqnin vëmendjen nga dështimet e tyre për të përmbajtur virusin.
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
