Kujdesuni 45 ditë pasi ta kaloni koronavirusin, kardiologu i njohur jep një alarm të ri

15:35, 23/03/2021

Një kardiolog i njohur ne Ballkan, ka dhënë një alarm të ri rreth koronavirusit.

Është doktori Predrag Mitrovic i cili po thotë se korona, mund të ketë pasoja serioze për zemrën dhe trupin:

"Ai nuk është një infeksion i zakonshëm dhe nuk shfaqet vetëm përmes pneumonisë por edhe si pezmatim i qeskës së zemrës dhe muskulit të zemrës. Prandaj, unë i këshilloj njerëzit që të jenë të kujdesshëm për 45 ditë pas virusit, të përmbahen nga aktivitetet fizike sepse është një periudhë e ndjeshme, kur mund të ndodhin komplikime të tilla si inflamacion i qeskës së zemrës, muskulit të zemrës. Kushdo që ndjen një aritmi gjatë kësaj periudhe duhet të kontaktoni një mjek ", ka thënë ai.