“Njerëzimi do të përballet me një numër të pacaktuar virusesh vdekjeprurëse që vijnë nga pyjet e Afrikës”. Kështu thotë për CNN profesori Jean-Jacques Muyembe Tamfum, i cili ka ndihmuar në zbulimin e Ebolës në vitin 1976, dhe është në vijën e parë të kërkimit për patogjenet e reja që nga ai vit.
“Jetojmë në një botë ku shpërthimi i patogjeneve të reja është bërë diçka normale. Ky normalitet përbën kërcënim për njerëzimin. Duhet të kemi frikë, sepse Ebola nuk njihej, as Covid-i nuk njihej. Duhet të kemi frikë nga sëmundjet e reja”, nënvizon profesori.
Aktualisht, në Kongo po studiohet një sëmundje që jep simptomat e Ebolës, por analizat e gjakut që iu bënë pacientes, e cila sot është shëruar, tregojnë se sëmundja e saj nuk ka lidhje me asnjë nga viruset që njohim deri më sot.
Kur CNN e pyeti Muyembe nëse mendon se pandemitë e ardhshme do të jenë më të rënda sesa Covid-19, ai tha: “Po, mendoj se po. Patogjenet po kalojnë shpesh e më shpesh nga kafshët te njeriu, pasi njeriu hyn në pyll për ta shfrytëzuar atë. Nëse hyn në pyll, ti i ndërron ekologjinë atij. Insektet dhe minjtë do të largohen nga aty dhe do të shkojnë në fshatrat pranë, duke sjellë viruset e reja. Te lakuriqët e natës janë vënë re mbi 10 koronaviruse, që ende nuk e dimë se sa të rrezikshme janë për njeriun”.
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
