Gjendja e 13 vjeçit u përkeqësua shumë shpejt pas infektimit dhe pas hemorragjisë së mushkërive dhe kollit, gjaku mbeti i spërkatur në muret e spitalit.
Nëna infermiere e djalit 13 vjeç që vdiq nga Covid-19 ka ndarë fotografi edhe historinë se si djali i saj humbi jetën në luftën me koronavirus, shkruan “DailyMail”.
Ajo ka treguar se si gjaku i tij spërkati muret e dhomës së spitalit teksa ai kolliti sasi të mëdha të gjakut që u shkaktua nga hemorragjia e mushkërive që ai pati, transmeton lajmi.net.
Ajo e ndau këtë histori me botën që të paralajmëroj të gjithë se sa serioze është situata dhe se edhe fëmijët mund të vdesin nga Covid-19.
Peyton Baumgarth, kishte astmë dhe probleme me gjëndrat tiroide. Ai ndërroi jetë 6 ditë pasi u shfaqën simptomat e para.
Nëna e tij, Stephanie, e dërgoi të birin në spital dy ditë para vdekjes, pasi që gjendja e tij u rëndua papritur. Ai filloi të kishte koll shumë të rëndë dhe vdiq pasi mjekët nuk arritën t’i ngrijnë nivelet e oksigjenit në gjak.
Kur e dërguan djalin në spital, ata kuptuan se nivelet e oksigjenit në gjak ishin 44%, që është një nivel jashtëzakonisht i ulët sepse personat me nivel të oksigjenit nën 95% kanë nevojë për ndihmë mjekësore.
Pra, gjendja e tij ishte jashtëzakonisht e keqe. Ata filluan menjëherë trajtimin e djalit, por në momentet e fundit të jetës hemorragjia e brendshme ishte aq e rëndë sa duke kollitur ai spërkati të gjithë murin e dhomës së spitalit me gjak.
Edhe mjekët u shprehën se kjo kishte qenë një prej vdekjeve më brutale nga Covid-19 që ata kishin përjetuar deri më tani
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
