Mungesa e besimit te qeveria, “pabarazitë historike” dhe dezinformatat mbi vaksinën – përfshirë pretendimet e rreme se vaksina e koronavirusit nuk është hallall – mund ta pengojnë përhapjen e saj, ka thënë një doktor i famshëm.
Mes “gjërave të zakonshme që janë në shpirtin e njerëzve anti-vaksinë (anti-vaxxers)”, disa keq-informime po përhapen shpejt, veçanërisht edhe mes komuniteteve myslimane, ka paralajmëruar Salman Ëaqar, nga Asociacioni Mjekësor Britanik Islam (BIMA).
Programet e imunizimit kanë parë dalje të vogël mes myslimanëve, pjesërisht shkaku i gripit dhe vaksinave të fëmijërisë që nuk përmbajnë gjelatinë derri e të cilat s’ishin të qasshme në Angli dhe Uells deri këtë vit, shkruan Independent.
Dr. Ëaqar, i cili është edhe hulumtues akademik në Universitetin e Oksfordit, shtoi se keqkuptimet rreth vaksinës së Pfizer/BioNTech – e cila nuk përmban fare produkte kafshësh – është shkaktuar pjesërisht nga edhe nga komunikimi i dobët i trupave të shëndetit publik.
“Ne po paguajmë e çmimit për atë se tash njerëzit po thonë “Oh, vaksinat kanë gjelatinë”, apo po paguajmë çmimin e asaj se ata nuk kanë interes të na dëgjojnë më,” tha ai.
Prioritetizimi i njerëzve me sëmundje ekzistuese duhet të ofrojë vaksinim më të madh të komuniteteve minoritare etnike, dhe BIMA ka lëshuar një deklaratë që inkurajon individët në rrezik që të marrin vaksinën.
© SYRI.net