Shënohet një tjetër viktimë nga Covid-19 në qytetin e Përmetit.
Sot në mëngjes ka ndërruar jetë Anika Komino, 60-vjeçare, e cila ishte konstatuar me virusin e rrezikshëm vetëm një ditë më parë në kryeqytet, teksa u soll me urgjencë pas rëndimit të gjendjes.
Mësohet se 60-vjeçarja qëndronte e izoluar në banesë prej 4 ditësh me simptoma të qarta të koronavirusit, por nuk kishte bërë tampon.
Të afërmit e saj sapo e vunë re rëndimin e gjendjes, e kanë nisur me autoambulancë drejt Tiranës mbrëmjen e djeshme, ndërsa ka ndërruar jetë mëngjesin e sotëm.
© SYRI.net