Mohamed Salah ka hyrë sërish në historinë e Liverpool-it, duke u bërë lojtari me më shumë asistime në historinë e klubit në Premier League.

Sulmuesi egjiptian e çoi numrin e tij të asistimeve në 93, pasi shërbeu për golin e Curtis Jones në ndeshjen e fundit të sezonit në “Anfield” kundër Brentford-it.

Në paraqitjen e tij të fundit për “Reds”, Salah kaloi legjendën Steven Gerrard, i cili mbante rekordin me 92 asistime në kampionat për klubin e Liverpoolit.

Ky sukses e vendos egjiptianin gjithashtu në një tjetër nivel historik në Premier League, pasi ai barazohet me Dennis Bergkamp në vendin e gjashtë të renditjes së përgjithshme të asistimeve në histori të kampionatit anglez, me 94 në total (përfshirë edhe një me fanellën e Chelsea).

Salah vazhdon të konfirmohet si një nga figurat më vendimtare të futbollit anglez të dekadës së fundit, duke thyer rekorde dhe duke lënë gjurmë të thella në historinë e Liverpoolit.

Liverpool 1-0 Brentford - Curtis Jones 58'
by
u/977x in
soccer