José Mourinho është shumë pranë rikthimit historik te Real Madridi, me marrëveshjen mes palëve që sipas raportimeve ndërkombëtare është përfunduar tashmë dhe njoftimi zyrtar pritet në çdo moment.

Sipas gazetarit të njohur të merkatos, Fabrizio Romano, gjithçka është finalizuar mes klubit madrilen dhe trajnerit portugez, i cili do të nënshkruajë një kontratë dyvjeçare me “Los Blancos”. Lajmi është konfirmuar gjithashtu edhe nga gazetari i Sky Sports, Florian Plettenberg.

Mourinho, i cili më parë ka drejtuar Real Madridin në një periudhë të suksesshme dhe të diskutuar, pritet të rikthehet në “Santiago Bernabéu” pas shumë vitesh, duke marrë përsipër drejtimin e një projekti të ri sportiv.

Mediet spanjolle kishin raportuar që javën e kaluar se marrëveshja ishte shumë pranë finalizimit, por tani situata duket se ka kaluar në fazën përfundimtare, me gjithçka të mbyllur mes palëve.

Rikthimi i Mourinhos te Real Madridi konsiderohet si një nga lëvizjet më të bujshme të merkatos së trajnerëve në vitet e fundit.

🚨 BREAKING: José Mourinho back to Real Madrid, HERE WE GO! 💣🤍

All terms have been verbally agreed between José Mourinho and Real Madrid, waiting to sign all documents.

Plan for initial two year deal, JM to travel to Madrid after Real-Bilbao game.

The Special One is back. pic.twitter.com/K267WgiqjC

— Fabrizio Romano (@FabrizioRomano) May 18, 2026