Daniele De Rossi ka rilindur Genoa dhe tashmë emri i tij po qarkullon fuqishëm në tregun e trajnerëve në Itali.

Ish-legjenda e Romës arriti ta shpëtojë Genoan nga rreziku i rënies dhe puna e tij ka tërhequr menjëherë vëmendjen e disa klubeve të Serie A.

Që nga momenti kur mori drejtimin e skuadrës, Genoa ndryshoi totalisht ritëm, duke siguruar rezultate të rëndësishme që garantuan mbijetesën në elitën e futbollit italian.

Paraqitjet pozitive kanë rritur ndjeshëm vlerësimin për De Rossin, i cili po konsiderohet si një nga trajnerët më premtues të brezit të ri.

Sipas raportimeve nga Italia, Bologna është një nga klubet që po e ndjek me interes situatën e tij.

Drejtuesit e klubit e shohin De Rossin si profil ideal për projektin sportiv dhe stilin ofensiv që kërkojnë të ndërtojnë.

Interes ka shfaqur edhe Fiorentina, që pritet të bëjë ndryshime në pankinë gjatë verës.

Edhe pse vjollcët kanë alternativa të tjera, emri i De Rossit vazhdon të jetë në listën e kandidatëve.

Në skenë mbetet edhe Como, por situata e klubit lidhet ngushtë me të ardhmen e Cesc Fabregas dhe zhvillimet në pankinat e tjera të Serie A.

Puna e shkëlqyer te Genoa duket se i ka hapur De Rossit dyert për një hap të madh në karrierë, ndërsa vera pritet të jetë shumë e nxehtë për trajnerin italian.