Trajneri i Argjentinës, Lionel Scaloni, ka publikuar listën prej 55 lojtarësh të ftuar paraprakisht për FIFA World Cup 2026, ndërsa nis numërimi mbrapsht drejt turneut më të madh të futbollit botëror.

Në listën e zgjeruar bie menjëherë në sy prania e Lionel Messit, i cili vazhdon të jetë lideri absolut i kampionëve të botës. Megjithatë, një nga mungesat më të mëdha është ajo e Paulo Dybala-s, i cili sapo është rikthyer në fushë me Romën pas një dëmtimi të gjatë dhe një ndërhyrjeje kirurgjikale në gju.

Në listën paraprake të Argjentinës janë përfshirë edhe disa lojtarë që aktivizohen në Serie A. Bëhet fjalë për: Lautaro Martínez (Inter), Nico Paz dhe Maximo Perrone (Como), Matías Soulé (Roma), Santiago Castro (Bologna), Mateo Pellegrino (Parma)

Një listë që do të tkurret

Lista aktuale përfshin shumë emra dhe pritet të reduktohet pothuajse përgjysmë në javët e ardhshme, përpara publikimit të skuadrës përfundimtare që do të marrë pjesë në Botërorin 2026.

Scaloni ka përfshirë një grup të gjerë lojtarësh nga të gjitha repartet, duke kombinuar përvojën e ‘yjeve’ të mëdhenj me talentë të rinj, që po spikasin në futbollin evropian.

Mesazhi i qartë: konkurrencë e fortë për Botëror

Përzgjedhja e zgjeruar tregon se konkurrenca për një vend në ekipin final të Argjentinës është shumë e fortë. Edhe emra të mëdhenj mund të mbeten jashtë, ndërsa forma dhe gjendja fizike do të jenë vendimtare në vendimet përfundimtare të stafit teknik.

Ja lista e plotë e 55 lojtarëve të grumbulluar paraprakisht nga Argjentina për Botërorin 2026, sipas Lionel Scaloni-t:

Portierë:

Emiliano Martínez, Gerónimo Rulli, Juan Musso, Walter Benítez, Facundo Cambeses, Santiago Beltrán.

Mbrojtës:

Agustín Giay, Gonzalo Montiel, Nahuel Molina, Nicolás Capaldo, Kevin Mac Allister, Lucas Martínez Quarta, Marcos Senesi, Lisandro Martínez, Nicolás Otamendi, Germán Pezzella, Leonardo Balerdi, Cristian Romero, Lautaro Di Lollo, Zaid Romero, Facundo Medina, Marcos Acuña, Nicolás Tagliafico, Gabriel Rojas.

Mesfushorë:

Máximo Perrone, Leandro Paredes, Guido Rodríguez, Aníbal Moreno, Milton Delgado, Alan Varela, Ezequiel Fernández, Rodrigo De Paul, Exequiel Palacios, Enzo Fernández, Alexis Mac Allister, Giovani Lo Celso, Nicolás Domínguez, Emiliano Buendía, Valentín Barco.

Sulmues:

Lionel Messi, Nico Paz, Franco Mastantuono, Thiago Almada, Tomás Aranda, Nicolás González, Alejandro Garnacho, Giuliano Simeone, Matías Soulé, Claudio Echeverri, Gianluca Prestianni, Santiago Castro, Lautaro Martínez, José Manuel López, Julián Álvarez, Mateo Pellegrino.