Europa League ka mësuar finalistët e saj pas dy gjysmëfinaleve spektakolare të mbrëmjes së sotme.

Aston Villa shkëlqeu në “Villa Park”, duke shkatërruar Nottingham Forest me rezultatin 4-0 dhe duke përmbysur humbjen e ndeshjes së parë për të siguruar finalen me stil dominues.

Ndërkohë, edhe Freiburgu arriti një rikthim dramatik ndaj Bragës.

Skuadra gjermane fitoi 3-1 në shtëpi dhe përmbysi disavantazhin e sfidës së parë për të prerë biletën drejt finales së madhe të Europa League.

Të dyja ekipet treguan karakter dhe forcë mentale në ndeshjet vendimtare, duke dhuruar spektakël dhe emocione deri në fund.

Finalja mes Aston Villas dhe Freiburgut pritet të jetë një duel shumë interesant, me të dy skuadrat që synojnë trofeun europian dhe një vend historik në futbollin kontinental.