Jose Mourinho raportohet se ka zhvilluar një takim me presidentin e Real Madridit, Florentino Perez, për të diskutuar detajet e një rikthimi të mundshëm në klub.

Real Madridi pritet ta mbyllë sezonin e dytë radhazi pa trofe, ndërsa trajneri aktual Alvaro Arbeloa do të largohet nga klubi këtë verë.

Raportimet e fundit sugjerojnë se trajneri i Benficës, Mourinho, është kandidati i preferuar i Perez për të marrë drejtimin e skuadrës.

Sipas mediave si “Esdiario” dhe gazetarit Sergio Valentín, palët kanë zhvilluar edhe një video-telefonatë për të diskutuar më konkretisht mundësinë e rikthimit të Mourinhos.

Raporti shton se në takim ishte i pranishëm edhe agjenti i njohur Jorge Mendes, i cili ka pasur rol vëzhgues gjatë bisedimeve.