Superkompjuteri i Opta-s ka rifreskuar parashikimet për fituesin e Champions League, duke sjellë një panoramë të re pas ndeshjeve të para gjysmëfinale.

Gara për trofeun më prestigjioz në Evropë po hyn në momentet vendimtare, pas spektaklit të dhuruar në sfidat e para: PSG triumfoi 5-4 ndaj Bayern Munich, ndërsa Atletico barazoi 1-1 me Arsenalin.

Sipas përditësimit të fundit, Arsenali është ngjitur në krye të listës së favoritëve, me rreth 34.9% shanse për të fituar trofeun. Skuadra londineze po bind me stabilitetin dhe performancat në këtë fazë të kompeticionit.

Menjëherë pas tyre renditet PSG, me mbi 32% mundësi për triumf, duke reflektuar formën e shkëlqyer dhe fuqinë ofensive të treguar deri më tani.

Bayern Munich mbetet një pretendent i fortë me mbi 22% shanse, falë eksperiencës dhe historisë së pasur në këtë turne, ndërsa Atletico mban rreth 10% probabilitet, por konsiderohet një skuadër e rrezikshme që mund të surprizojë.

Me gjithçka ende të hapur për ndeshjet e kthimit, Arsenali dhe PSG duken më pranë finales, ndërsa Bayerni dhe Atletico synojnë të përmbysin parashikimet dhe të mbajnë gjallë ëndrrën për trofeun.