Një incident i rëndë ka tronditur futbollin spanjoll, pasi portieri i Real Zaragozës, Esteban Andrada, është dënuar me 13 ndeshje pezullim për një akt dhune gjatë derbit ndaj Huesca-s.

Vendimi u mor nga Federata Spanjolle e Futbollit, e cila konfirmoi se ‘gardiani’ argjentinas goditi me grusht në fytyrë mbrojtësin Jorge Pulido gjatë sfidës së së dielës në kategorinë e dytë. Andrada fillimisht u ndëshkua me karton të kuq, përpara se të përshkallëzonte situatën me veprimin e tij të dhunshëm.

Komisioni disiplinor i dha portierit një dënim prej 12 ndeshjesh për goditjen, ndërsa kartoni i kuq solli automatikisht edhe një ndeshje shtesë pezullimi. Kjo do të thotë se 35-vjeçari do të mungojë për pjesën e mbetur të sezonit, duke i dhënë një goditje të fortë objektivave të Zaragozës në luftën për mbijetesë.

Ngjarja ndodhi në minutat shtesë, kur Andrada shtyu fillimisht Pulidon dhe u ndëshkua me kartonin e dytë të verdhë. Më pas, i irrituar, ai u kthye dhe e goditi kundërshtarin, duke shkaktuar një përleshje të përgjithshme në fushë.

“E vërteta është se më vjen shumë keq për atë që ndodhi. Nuk është një imazh i mirë për klubin, për tifozët dhe sidomos për një profesionist si unë. Jam shumë i penduar”, deklaroi Andrada pas ndeshjes.

Përplasja solli edhe ndëshkime të tjera: portieri i Huesca-s, Dani Jimenez, u pezullua për katër ndeshje, ndërsa lojtari i Zaragozës, Dani Tasende, për dy ndeshje. Ndeshja përfundoi me fitoren 1-0 të Huesca-s.

Në një reagim zyrtar, Zaragoza dënoi ashpër episodin, duke theksuar: “Pamë skena që nuk i përkasin këtij sporti dhe që nuk duhet të ndodhin kurrë.”

Former Monterrey goalkeeper Esteban Andrada lost his mind and punched an opponent in the face after getting sent off.

This happened in the derby between Real Zaragoza and Huesca in LaLiga 2. 🤯🇪🇸🇦🇷 pic.twitter.com/VHZ7ZNDt7X

— All Fútbol MX 🇲🇽 (@AllFutbolMX) April 26, 2026