Ema Modric, vajza e yllit kroat Luka Modric, ka festuar trofeun e saj të parë si pjesë e ekipit të vajzave të Milanit.

Në finalen e Garino Cup, një turne për vajza nën 13 vjeç, Ema dhe ekipi i saj triumfuan 2-0 ndaj Interit, duke siguruar titullin kampion.

Ajo shënoi gjithashtu në çerekfinale kundër Sassuolos dhe ndihmoi ekipin të kalonte gjysmëfinalen ndaj Juventusit.

Luka Modric nuk mund të ishte fizikisht në stadium për shkak të angazhimeve të tij profesionale, duke ndjekur ndeshjen përmes Facebook-ut.

Triumfin e Emës e festuan edhe pjesëtarët e tjerë të familjes, përfshirë vëllain Ivano dhe motrën Sofia.

Gazetari i La Gazzetta dello Sport, Luca Bianchin, publikoi një foto të saj, duke vënë në dukje se buzëqeshja e vogëlushes është po aq karizmatike sa e babait të saj të famshëm.

Kjo fitore shënon një fillim të shkëlqyer për karrierën e saj të re dhe tregon se tradita familjare Modric në futboll duket se do të vazhdojë.