Xherdan Shaqiri po vazhdon të tregojë formë të shkëlqyer në Superligën zvicerane, duke u konfirmuar si një nga futbollistët më të rëndësishëm të momentit.

Ylli kosovar është shpallur “Lojtari i Javës” nga votat e tifozëve, një vlerësim që pasqyron ndikimin e tij të madh në fushën e lojës.

Në ndeshjen dramatike kundër Young Boys, e vlefshme për javën e 32-të të kampionatit, Shaqiri ishte protagonisti kryesor në barazimin 3-3.

Ish-përfaqësuesi i Zvicrës realizoi një gol të bukur dhe dha dy asistime vendimtare, duke ndihmuar skuadrën e Baselit të arrijë një rezultat pozitiv.

Që nga rikthimi i tij në futbollin zviceran, Shaqiri ka dëshmuar cilësi të larta teknike dhe përvojë të pasur ndërkombëtare.

Me paraqitje të tilla, ai po e forcon gjithnjë e më shumë statusin si një nga lojtarët më të mirë në elitën e futbollit zviceran.