Një mbrëmje plot pikë dhe emocione është zhvilluar në NBA, ku disa ndeshje prodhuan rezultate të thella dhe paraqitje individuale të shkëlqyera.

Fitore bindëse arritën Los Angeles Clippers, që triumfuan 153-128 ndaj Minnesota Timberwolves në një duel spektakolar. Protagonisti absolut i ndeshjes ishte Kawhi Leonard, i cili realizoi plot 45 pikë për kalifornianët. Për miqtë nuk mjaftuan 36 pikët e Anthony Edwards.

Fitore të rëndësishme mori edhe Orlando Magic, që mposhtën 128-122 Cleveland Cavaliers. Njeriu i ndeshjes ishte Desmond Bane me 35 pikë, duke ndihmuar skuadrën e tij të ruajë vendin e pestë në Konferencën e Lindjes.

Sukses regjistroi edhe New Orleans Pelicans, që fituan 122-111 ndaj Toronto Raptors. Në këtë përballje u dalluan Trey Murphy III me 28 pikë dhe Dejounte Murray me 27 pikë.

Ndërkohë, New York Knicks morën një fitore të rëndësishme në transfertë ndaj Utah Jazz me rezultatin 134-111, duke mbajtur gjallë shpresat për vendin e parë në Lindje. Katër lojtarë të skuadrës nga Nju Jorku realizuan mbi 20 pikë.

Dominim total tregoi edhe Denver Nuggets, që fitoi thellë 129-93 ndaj Houston Rockets. Lideri i skuadrës ishte Jamal Murray me 30 pikë.

Në ndeshjen tjetër të mbrëmjes, Charlotte Hornets fitoi në fushën e Sacramento Kings me rezultatin 117-109.