Pjesa e parë e sfidës mes Belgjikës dhe Egjiptit në Grupin e Botërorit 2026 është mbyllur me rezultatin surprizues 0-1 në favor të afrikanëve.

Skuadra e drejtuar nga Mohamed Salah ka zhvilluar një paraqitje të disiplinuar dhe efikase, duke goditur në momentin e duhur përballë një Belgjike që ka pasur vështirësi të krijojë raste të pastra shënimi.

Momenti vendimtar erdhi në minutën e 19-të. Mohamed Salah dhuroi një asist fantastik për Emam Ashour, i cili kontrolloi bukur topin dhe lëshoi një goditje të pandalshme nga jashtë zonës, duke mposhtur Thibaut Courtois për 0-1.

https://streamff.link/v/a7500933

Belgjika tentoi të reagojë me Kevin De Bruyne, Leandro Trossard dhe Jeremy Doku, por rastet e krijuara nuk u konkretizuan.

Mundësinë më të mirë për “Djajtë e Kuq” e pati Youri Tielemans në minutën e 31-të, por mesfushori nuk arriti të drejtonte saktë goditjen me kokë.

Në anën tjetër, Egjipti u tregua i rrezikshëm në kundërsulm dhe ishte pranë golit të dytë në minutën e 33-të, kur Mostafa Ziko provoi me një goditje të fortë drejt këndit të portës, por Courtois reagoi në mënyrë spektakolare për të mbajtur belgët në lojë.

Mohamed Salah ka qenë lideri i padiskutueshëm i skuadrës afrikane, duke krijuar vazhdimisht probleme për mbrojtjen belge dhe duke qenë protagonist në aksionin e golit.

Nëse rezultati mbetet i pandryshuar, do të ishte një nga surprizat më të mëdha të raundit të parë, ndërsa Belgjika do të duhet të ndryshojë ritmin dhe qasjen në pjesën e dytë për të shmangur një humbje të rëndë që në debutimin e saj në turne.