Flamurtari ka konfirmuar ndërprerjen e bashkëpunimit me trajnerin Francesco Moriero. Sipas një njoftimi zyrtar, marrëveshja u mbyll me mirëkuptim të plotë mes palëve, ndërsa klubi e falënderoi teknikun për punën, përkushtimin dhe profesionalizmin gjatë kohës që udhëhoqi skuadrën vlonjate.

“Klubi i Futbollit Flamurtari njofton se bashkëpunimi me trajnerin Francesco Moriero ka përfunduar me mirëkuptim të plotë. Klubi e falënderon trajnerin Moriero për kontributin e tij, përkushtimin dhe profesionalizmin gjatë periudhës së tij në krye të skuadrës. Kontributi i tij ka qenë i rëndësishëm për ekipin dhe zhvillimin e klubit”, theksohet në komunikatën zyrtare.

Gjatë mungesës së tij në ndeshjet e fundit për arsye shëndetësore, skuadra ka vazhduar me sfidat e saj në Kategorinë Superiore, duke zbritur në vendin e parafundit të klasifikimit me 24 pikë të grumbulluara në 27 ndeshje.

Drejtimi i Flamurtarit në vazhdim do të merret nga Andi Ribaj, i cili do të përpiqet të përmirësojë renditjen dhe performancën e skuadrës në pjesën e mbetur të sezonit.

Ky lëvizje vjen në një moment vendimtar për skuadrën vlonjate, e cila synon të shmangë rënien nga Kategoria Superiore dhe të rindërtojë moralin e ekipit nën drejtimin e ri.