Lois Openda, sulmues i Juventus, ka tërhequr vëmendjen e tifozëve në rrjetet sociale pas një fotografie që u bë virale ditët e fundit. Në imazhin e postuar nga vetë lojtari, ai shihet i mbuluar pothuajse i tëri me kupa kineze, nga shpatullat deri te muskujt e pulpës.

Gjatë një dite pushimi nga aktivitetet me skuadrën, Openda vizitoi një qendër mjekësore në Bruksel për t’u rikuperuar. Ky lloj trajtimi, i njohur si “cupping” ose trajtimi me kupa kineze, përdoret gjerësisht nga futbollistë dhe sportistë të tjerë të nivelit të lartë për të lehtësuar tensionin dhe për të përshpejtuar rikuperimin e muskujve.

Teknika konsiston në vendosjen e gotave të silikonit mbi lëkurë, të cilat krijojnë një presion që ndihmon në relaksimin e zonës së prekur. Fotografia e Openda-s u bë veçanërisht e spikatur për shkak se kupat mbulonin të gjithë pjesën e pasme të trupit, duke filluar nga qafa deri te pulpat, duke dhënë një pamje shumë të veçantë dhe të jashtëzakonshme.

Trajtimi me kupa po bëhet gjithnjë e më i zakonshëm te sportistët e futbollit dhe disiplinave të tjera dhe imazhi i Openda-s rikujton edhe trajtime të ngjashme të ‘yjeve’ si Karim Benzema, që gjithashtu kanë përdorur këtë metodë për rikuperim muskulor.