Bashkëshortja e Nélson Semedo-s, lojtar i Fenerbahçes, ka pësuar një aksident rrugor këtë të hënë në Turqi. Lajmi u konfirmua nga vetë klubi përmes një komunikate zyrtare, ku i uron shërim të shpejtë Marlene Semedo-s.

“Sot morëm me keqardhje të madhe lajmin për aksidentin rrugor të bashkëshortes së lojtarit tonë, Nelson Semedo, Marlene Semedo”, thuhet në reagimin e klubit turk.

Sipas mediave turke, në rrjetet sociale kanë qarkulluar video që tregojnë momentet pas aksidentit. Minibusi ku udhëtonte bashkëshortja e ndërkombëtarit portugez doli nga rruga dhe u përmbys në një autostradë pranë Stambollit, në urën Yavuz Sultan Selim Bridge.

Ngjarja ka ndodhur rreth orës 16:30 me orën lokale dhe ka sjellë ndërhyrjen e menjëhershme të autoriteteve. Marlene Semedo mori ndihmën e parë në vendngjarje përpara se të transportohej në spital. Fatmirësisht, ajo ka pësuar vetëm lëndime të lehta.

Mësohet se ajo nuk ishte duke drejtuar mjetin në momentin e aksidentit, ndërsa edhe drejtuesi i automjetit nuk ka pësuar dëmtime që t’i rrezikonin jetën.

FENERBAHÇELİ FUTBOLCUNUN EŞİ TRAFİK KAZASI GEÇİRDİ!

Fenerbahçe’nin Portekizli defans oyuncusu Nelson Semedo’nun eşinin içinde bulunduğu minibüs, Kuzey Marmara Otoyolu’nda kaza yaptı. Kazada Semedo’nun eşi Marlene Alvarenga’nın hafif şekilde yaralandığı öğrenildi. pic.twitter.com/clyejBwJDj

— Yurttan Haberler (@yurttanhabercom) March 2, 2026