Hansi Flick do të vendosë për formacionin e tij më konkurrues për të maksimizuar shanset e një përmbysjeje ndaj Atleticos së madridit që do ta çonte Barcelonën në finalen e Kupa e Mbretit 2026. Sfida është e madhe: skuadra duhet të kthejë humbjen 4-0 nga të ndeshjes së parë gjysmëfinale në ‘Metropolitano’. Formacioni titullar i katalanasve është pothuajse i përcaktuar, por disa dyshime ekzistojnë, kryesisht në mbrojtje.

Si zakonisht, Flick nuk dëshiroi të jepte asnjë indikacion në konferencën për shtypin para ndeshjes lidhur me formacionin që do të përdorë të martën kundër Atlético Madridit në ‘Spotify Camp Nou’. Ai nuk zgjidhi të gjitha paqartësitë për arsye të ndryshme, përfshirë faktin se ende duhet ta konfirmojë formacionin.

Lëndimet që prekin të gjitha repartet i kanë kufizuar mundësitë, por megjithatë ekzistojnë disa dyshime. Trajneri katalanas nuk mund të mbështetet te Gavi, Andreas Christensen, Frenkie de Jong dhe Robert Leëandoëski për shkak të lëndimit, ashtu si dhe tek Eric García për shkak të pezullimit.

Dy dyshimet kryesore lidhen me mbrojtjen. E para, në qendër të mbrojtjes: gjithçka tregon se Ronald Araujo do të luajë pranë Pau Cubarsí, ndërsa Gerard Martín pritet të nisë nga stoli, pavarësisht se ka pasur rol të madh muajt e fundit. Përvoja, forca dhe dominimi në lojën ajrore të Araujo-s i japin avantazh ndaj lojtarit katalanas. “Po, Araujo mund të jetë titullar,” tha Flick të hënën në mesditë. Uruguaiani, për arsye të ndryshme, nuk ka qenë titullar i rregullt; nga 23 ndeshjet ku ka marrë pjesë, ka nisur nga minuta e parë vetëm në 11, por ka shumë mundësi të nisë titullar kundër Atleticos.

Dyshimi tjetër është në krahun e majtë të mbrojtjes. Joao Cancelo, i cili pushoi kundër Villarrealit pas një paraqitjeje të madhe kundër Levantes, pritet të nisë titullar në vend të Alejandro Balde. Përvoja dhe performanca e mirë e mbrojtësit portugez janë faktorë që Flick po i merr në konsideratë për formacionin titullar.

Pjesa tjetër e mbrojtjes do të përbëhet nga Koundé në krahun e djathtë dhe Cubarsí në qendër. Portieri titullar do të jetë Joan García.