Një gol në minuta shtesë të pjesës së parë nga Semenjo i ka mjaftuar Manchester Cityt që të sigurojë një fitore të rëndësishme në transfertë ndaj Leeds United.

Skuadra e Guardiolës triumfoi me rezultatin 1-0 në këtë transfertë të vështirë, duke marrë tre pikë falë afrimit të janarit, për të blinduar vendin e dytë e për të qëndruar vetëm 3 pikë pas Arsenalit të vendit të parë i cili po përgatitet për derbin me Chelsean.

Ndërkohë, është ringjallur skuadra e Liverpoolit që me fitoren e radhës ndaj West Ham, me shifrat 5-2, ka filluar t’i afrohet ndjeshëm zonës Champions.