Oklahoma City Thunder konfirmuan formën e shkëlqyer duke regjistruar fitoren e tretë radhazi dhe duke ruajtur vendin e parë në NBA. Skuadra nga Oklahoma triumfoi 116-107 në transfertë ndaj Toronto Raptors, në një sfidë të luftuar ku u dallua Cason Wallace me 27 pikë.

Fitore të rëndësishme mori edhe Dallas Mavericks, që kaluan 123-114 Brooklyn Nets. Vendimtar ishte kontributi i stolit, me 61 pikë të realizuara nga lojtarët rezervë.

Në “shtëpi”, Milwaukee Bucks mposhtën 128-117 Miami Heat, në një duel mes skuadrash që synojnë zonën “play-in”. Kevin Porter udhëhoqi Bucks me 32 pikë. Ndërkohë, New Orleans Pelicans fituan 113-109 ndaj Golden State Warriors, falë 26 pikëve të Zion Williamson.

Drama nuk mungoi në Los Angeles, ku Orlando Magic fituan në sekondat e fundit 110-109 ndaj Los Angeles Lakers. Paolo Banchero ishte protagonist absolut me 36 pikë.

Sukses të pastër arritën edhe Cleveland Cavaliers, që mundën 109-94 New York Knicks, me Donovan Mitchell autor të 23 pikëve. Po ashtu, Boston Celtics triumfuan 97-81 në fushën e Phoenix Suns, ku White realizoi 22 pikë.

Mbrëmja prodhoi rezultate të shumta interesante, me Oklahoma që vazhdon të japë sinjale të forta si pretendente serioze për titullin këtë sezon.

Ndeshjet:

Indiana Pacers – Philadelphia 76ers 114-135

Atlanta Hawks – Washington Wizards 119-98

Brooklyn Nets – Dallas Mavericks 114-123

Cleveland Cavaliers – New York Knicks 109-94

Toronto Raptors – Oklahoma City Thunder 107-116

Chicago Bulls – Charlotte Hornets 98-131

Milwaukee Bucks – Miami Heat 128-117

New Orleans Pelicans – Golden State Warriors 113-109

Phoenix Suns – Boston Celtics 81-97

Portland Trail Blazers – Minnesota Timberwolves 121-124

Los Angeles Lakers – Orlando Magic 109-110