Humbja e fundit kundër Genoas, e trembëdhjeta në Serie A këtë sezon, i kushtoi Marco Baronit vendin e punës.

Torino kishte vendosur të ndërronte trajnerin të dielën në mbrëmje, me Roberto D’Aversën gati të merrte drejtimin e skuadrës.

Ndërsa pritet njoftimi zyrtar, kontrata është nënshkruar dhe trajneri do të jetë në qytet sonte në mbrëmje.

Detajet e kontratës: Marrëveshja midis Torinos dhe D’Aversës është e vlefshme deri në qershor 2026, me nënshkrimin dhe konfirmimin zyrtar që pritet të ndodhë mbrëmjen e sotme. Nuk do të ketë rinovim automatik nëse klubi shmang rënien nga kategoria.

Stafi do të përfshijë gjithashtu Salvatore Sullo, një ish-asistent i Gian Piero Ventura nga viti 2011 deri në vitin 2016 gjatë kohës së tij në Torino.

Karriera e D’Aversa-s- D’Aversa, i cili është gati të mbushë 51 vjeç, ka qenë larg fushave që nga fundi i sezonit 2024-25, kur ra në Serie B ndërsa drejtonte Empolin.

Ai më parë punoi te Parma, nga fundi i vitit 2016 deri në qershor 2020, kur udhëhoqi verdheblutë nga Lega Pro në Serie A.

Më pas ai u rikthye në stolin e Parmës midis janarit dhe qershorit 2021 për t’u përpjekur pa sukses t’i shpëtonte ata nga Serie B.

Sezonin pasardhës, ai shërbeu te Sampdoria, ku u shkarkua pas 22 ndeshjesh, dhe më pas te Leçe, ku u shkarkua gjithashtu pas 28 ndeshjesh.