Wolfsburg-u pësoi një tjetër humbje zhgënjyese në Bundesligë, duke rritur në gjashtë numrin e ndeshjeve pa fitore, pas humbjes 3-2 ndaj Augsburg-ut në ‘Volkswagen Arena’.

Wolfsburg-u dominonte gjatë pjesës së parë, ndërsa Augsburg-u krijoi disa raste të rrezikshme, përfshirë një goditje koke të Rodrigo Ribeiro-s që goditi shtyllën. Megjithatë, para pushimit, Yannick Gerhardt shënoi pas një korneje të Christian Eriksen, duke dhënë avantazhin për vendasit.

Në pjesën e dytë, Augsburg-u reagoi dhe barazoi rezultatin përmes kombinimit mes Ribeiro dhe Alexis Claude-Maurice, me këtë të fundit që shënoi për 1-1. Pak minuta më pas, Wolfsburg-u rifitoi avantazhin me Kento Shiogai, pas asistit të Mohamed Amoura-s.

Drama u shtua në fund, kur Augsburg-u fitoi një penallti pas prekjes së topit me dorë nga Denis Vavro. Michael Gregoritsch e konvertoi atë për 2-2. Në shtesë, Elvis Rexhbeçaj shënoi golin vendimtar për Augsburg-ut, duke i dhënë fitoren 3-2.

Me këtë humbje, Wolfsburg-u mbetet një nga skuadrat më të dobëta në shtëpi këtë sezon dhe rrezikon seriozisht mbijetesën, ndërsa Augsburg-u regjistron fitoren e katërt në pesë ndeshjet e fundit.