Në një ndeshje të javës së 24-t të Superiores, Dinamo dhe Flamurtari ndanë pikët në ‘Elbasan Arena’, pasi sfida përfundoi 1-1.

Golin e parë e shënoi Flamurtari, me anë të Bolzan, i cili realizoi nga penalltia. Dinamo reagoi në fund të pjesës së parë, kur kapiteni Bruno Dita shënoi golin e barazimit në minutën e 3-të të shtesës, duke rikthyer shpresat për fitore për skuadrën e trajnerit Ilir Daja.

Gjithsesi, gjatë pjesës së dytë nuk pati ndryshim rezultati, pavarësisht se të dy ekipet luftuan fort për të gjetur golin e barazimit.

Me këtë rezultat, Dinamo ngjitet në kuotën e 36 pikëve dhe mbetet në vendin e 4-t, ndërsa Flamurtari me 20 pikë ruan vendin e 9-t, pra të parafundit në tabelë. Një përballje ku kryeqytetasit nuk arritën të sigurojnë tri pikët e plota, duke u ndalur në një rezultat të barabartë me rivalët vlonjatë.