Burnley është bërë “humbësja e madhe” e raundit në FA Cup, pasi u mposht 1-2 nga një skuadër e kategorisë së tretë angleze, duke shkaktuar tronditje tek tifozët dhe kritika të shumta.

Trajneri Scott Parker vendosi që edhe këtë herë të mos mbante as në stol Armando Brojën, vendim që duket se ndikoi në performancën e skuadrës.

Burnley kaloi i pari në avantazh, por miqtë arritën të përmbysin rezultatin në pjesën e dytë, duke marrë një fitore surprizë.

“Padyshim kjo ishte një nga pikat më të ulëta të sezonit,” pranoi Parker pas ndeshjes, duke shtuar se skuadra po përballet me kritika dhe kontestime nga tifozët.

Kjo humbje shënon një goditje të rëndë për moralin e ekipit dhe për aspiratat e Burnley në FA Cup, duke e eliminuar nga një rival me shumë më pak eksperiencë dhe duke i dhënë fund ëndrrës për një kualifikim të lehtë në raundin tjetër.