Skuadra e Real Madridit zhvilloi një darkë të veçantë për të forcuar unitetin para fazës vendimtare të sezonit, me pjesëmarrjen e të gjithë lojtarëve, përfshirë të dëmtuarit Militao, Rodrygo dhe Bellingham. Darka u zhvillua në restorantin e njohur ‘61’, në Madrid, ku mysafirë specialë ishin edhe Vinicius Junior dhe Kylian Mbappé, të cilët janë aksionarë të këtij restoranti të njohur. Braziliani publikoi një foto në rrjetet sociale ku shihen 24 lojtarët e skuadrës.

Takimi u mbajt pa stafin teknik dhe kishte për qëllim të krijonte një demonstrim të bashkëpunimit dhe angazhimit të skuadrës në një periudhë të vështirë: një javë para ndeshjes vendimtare të Champions League ndaj Benfica-s dhe në mes të garës për titullin në LaLiga, ku madrilenët vijnë me shtatë fitore radhazi.

Darka zgjati deri në orët e para të mëngjesit: Lunin, Rüdiger, Arda Güler dhe Mendy dolën të parët pas orës 23:00, ndërsa Asensio ishte i fundit që la vendin në orën 2:50 të mëngjesit. Edhe Vinicius u largua në orën 1:26 dhe Mbappé në 1:32.

Ky takim jo vetëm që forcoi moralin dhe lidhjen mes lojtarëve, por gjithashtu tregoi angazhimin e të gjithë skuadrës për sfidat që vijnë. Të mërkurën, ekipi u rikthye në stërvitje në Valdebebas në orën 11:00 për të vazhduar përgatitjet e sezonit.

Restoranti ‘61’ është një vend ekskluziv dhe kosmopolit, ku kanë qenë të pranishëm edhe artistë si Aron Piper, Ester Expósito, Ozuna dhe figura të njohura të biznesit dhe sportit.