Dusan Vlahović mund të mos jetë pjesë e planit afatgjatë të Juventusit nën drejtimin e Luciano Spalletti-t. Sulmuesi serb, i cili aktualisht po rikuperohet nga dëmtimi, pritet të rikthehet në fushë dhe të ketë ndikim në sezonin 2025-2026, por e ardhmja e tij te “Zonja e Vjetër” mbetet e pasigurt.

Për gjendjen e lojtarit ka folur Dusan Ilić, përgatitësi fizik i kombëtares së Serbisë, i cili theksoi se dëmtimi i Vlahović ka ndodhur në një zonë shumë specifike dhe kërkon rikuperim më të gjatë se normalja. “Megjithatë, me mjekët dhe specialistët e duhur, besoj se do ta shohim sërish shumë shpejt në fushë”, – tha Ilić. Ai parashikon që Vlahović të rikthehet në fillim të marsit, i gatshëm për të rifilluar shënimin e golave dhe për të ndikuar te Juventus.

Në lidhje me të ardhmen, Ilić lë të kuptohet se sulmuesi mund të ndryshojë skuadrën: “Për mua, do të shkojë te Barcelona”. Më parë kishte pasur kontakte me Atletico Madridin, por kishte zgjedhur të transferohej tek Juventusi. Sidoqoftë, lidhja e tij me Italinë mbetet e fortë: “Dusan e do dhe e respekton vendin ku luan prej disa vitesh, por tani mund të jetë koha për të rinovuar karrierën jashtë Italisë”.

Rikuperimi i Vlahović po ecën, por e ardhmja e tij te Juventus mbetet e pasigurt, me Barcelonën si destinacion të mundshëm.