Mbrëmja e NBA-së, e zhvilluar para finales së Super Bowl-it, solli katër ndeshje interesante dhe disa rezultate domethënëse si në Lindje, ashtu edhe në Perëndim. Vëmendja kryesore shkoi te suksesi bindës i New York-ut në fushën e Boston-it, por edhe te fitoret jashtë fushe të Miami-t dhe Clippers-ave.

Miami realizoi një paraqitje shumë të fortë ndaj Washington-it, duke fituar 132-101 dhe duke qëndruar në zonën play-in. Skuadra nga Florida shfaqi thellësi të madhe në përbërje, pasi shtatë lojtarë realizuan mbi 10 pikë, ndërsa stoli kontribuoi me plot 63 pikë, një tregues i qartë i dominimit të plotë.

Momenti pozitiv vijon edhe për New York-un, që surprizoi Boston-in në “TD Garden” me rezultatin 111-89. Knicks kontrolluan ndeshjen nga fillimi në fund dhe konsoliduan vendin e dytë në Konferencën e Lindjes. Jalen Brunson shkëlqeu me 31 pikë, duke qenë protagonisti absolut i sfidës.

Fitore jashtë fushe arritën edhe Clippers-at, që mposhtën Minnesota-n 115-96 dhe mbeten në zonën play-in në Perëndim. Kawhi Leonard ishte i pandalshëm me 41 pikë, duke udhëhequr skuadrën drejt një suksesi të rëndësishëm. Ndërkohë, Toronto fituan 122-104 ndaj Indiana-s, me Scottie Barnes që u dallua me 25 pikë dhe 14 rebound.

Rezultatet:

Boston – New York 89-111

Washington – Miami 101-132

Toronto – Indiana 122-104

Minnesota – Clippers 96-115