Totenhemi pësoi humbjen e pestë në tetë ndeshjet e fundit në shtëpi në Premier Ligë, teksa kartoni i kuq i Ksavi Simons në pjesën e parë dhe përjashtimi i vonshëm i Kristian Romero e penguan rrugëtimin e tyre drejt një disfate 2-1 në shtëpi ndaj Liverpulit.

Me Mohamed Salah që ka udhëtuar drejt Kupës së Kombeve të Afrikës, Liverpul u përball sërish me mungesën e yllit të tij kryesor, por kësaj here arriti të arkivonte 3 pikë të arta, duke u ngjitur në vendin e pestë.

Pjesa e parë u mbyll pa gola, ndërkohë që Isak dhe Ekitike, gjetën rrugën e rrjetës në minutat 56 dhe 66.

Vendasit provuan ta rihapnin sfidën me Riçarlison në minutën e 83-të, por vetëm kaq, pasi në fund ishin të kuqtë ata që festuan marrjen e 3 pikëve.