Maroku ka triumfuar në finalen e Kupës së Arabisë, duke mundur Jordaninë 3-2 pas shtesës. Ndeshja u zhvillua në stadiumin Lusail dhe solli emocion deri në sekondat e fundit.

Heroi i Marokut ishte Abderrazzaq Hamed Allah, i cili realizoi dy gola vendimtarë. Ai barazoi rezultatin në minutën e 88-të dhe më pas shënoi golin e fitores në minutën e 100-të, duke i dhuruar vendit të tij trofeun para nisjes së Kupës së Afrikës.

Maroku nisi në mënyrë spektakolare, me golin e Oussama Tannane që kaloi ekipin në avantazh vetëm pak minuta pas fillimit të finales. Jordania reagoi me golin e Ali Olwan në minutën e 48-të, duke barazuar rezultatin, dhe më pas mori avantazhin me një penallti të po të njëjtit lojtar në minutën e 68-të.

Fitorja e Marokut është një lajm i madh për skuadrën dhe një sinjal pozitiv përpara sfidave të ardhshme në Kupën e Afrikës.