Viti 2025 po mbyllet dhe FIFA ka shpallur lojtarët më të mirë për periudhën nga 11 gushti 2024 deri më 2 gusht 2025. Sulmuesi i PSG-së, Ousmane Dembélé, u shpall ‘Lojtari i Vitit i FIFA-s’, duke fituar gjithashtu edhe Topin e Artë.

FIFA publikoi edhe ‘Team of the Year’, ku në sulm u përfshinë Dembélé dhe Lamine Yamal. Por një mungesë e dukshme ka shkaktuar reagime të forta: Harry Kane, i cili ka pasur një vit të jashtëzakonshëm te Bayerni, nuk u përfshi fare në ekipin më të mirë të vitit.

Ky vendim ka shkaktuar polemika të shumta në rrjetet sociale, dhe jo vetëm nga tifozët bavarezë. Disa nga komentet më të shpeshta janë:

• “Nëse Kane në këtë formë nuk mjafton, çfarë duhet të bëjë një sulmues për t’u përmendur?”
• “Mund të diskutosh për emra, por nëse Kane nuk është në ekip, duket si vendim i qëllimshëm, jo pas performancës.”
• “Kjo e humb besueshmërinë e zgjedhjes.”
• “Nëse golat dhe konsistenca nuk vlejnë më, kjo zgjedhje nuk ka kuptim.”
• “Kane po bën një punë të jashtëzakonshme te Bayern, thjesht është e vështirë për t’u shpjeguar.”
• “E çuditshmja: Kane mbetet profesional, por mungon edhe në ekip. Thjesht qesharake.”

Mungesa e Harry Kanes ka ndezur debat mbi kriteret e FIFA-s për përzgjedhjen e lojtarëve dhe ka lënë shumë tifozë të befasuar nga vendimet e këtij viti.