Në ndeshjen e javës së 15-të të La Liga, Real Madrid mposhti me lehtësi Athletic Bilbaon në transfertë me rezultatin e pastër 3-0.

Kylian Mbappe ishte protagonist i ndeshjes, duke shënuar dy gola të jashtëzakonshëm dhe duke konfirmuar vetën si lider të këtij ekipi.

Në minutën e 7-të, francezi dribloi mbrojtësit dhe gjuajti një të saktë nga jashtë zone, duke mposhtur portierin Unai Simón dhe duke dhënë avantazhin 0-1 për “Los Blancos”.

Eduardo Camavinga kontribuoi me një gol në minutën e 42-të, duke devijuar topin me kokë pas një situate brenda zonës, ku u asistua nga Mbappe për të dërguar rezultatin në 0-2 para pushimit të pjesës së parë.

Në minutën e 59-të, Mbappe vulosi fitoren me një goditje të fuqishme nga distanca, që la Simón pa mundësi ndërhyrjeje për rezultatin 3-0.

Real Madrid dominoi pjesën më të madhe të ndeshjes, duke imponuar stilin e tyre të lojës dhe duke krijuar raste të shumta, ndërkohë që Athletic Bilbao e pati të vështirë të kërcënonte portën e Thibaut Courtois.

Me këtë fitore, Real Madridi mbetet në vendin e dytë, menjëherë pas Barcelonës.