FIFA ka zbuluar emrat e personazheve që do të marrin pjesë në ceremoninë e hedhjes së shortit për Kupën e Botës 2026.

Shorti i fazës së grupeve do të zhvillohet më 5 dhjetor në Uashington, ndërsa ceremonia do të prezantohet nga supermodelja gjermane dhe fituesja e çmimit Emmy, Heidi Klum, si edhe aktori i njohur amerikan Kevin Hart. Në event do të marrë pjesë edhe aktori dhe producenti Danny Ramirez.

Ceremonia do të shoqërohet nga performanca artistike të emrave të mëdhenj: Andrea Bocelli, Robbie Williams dhe Nicole Scherzinger. Mbyllja e eventit do të bëhet me një performancë të Village People, me hitin e tyre ikonë “Y.M.C.A.”.