Manchester City arriti një fitore me shumë emocione ndaj Fulham-it në një ndeshje që prodhoi nëntë gola dhe tension deri në sekondën e fundit. City dukej se kishte nën kontroll ndeshjen në pjesën e parë, me golat e Erling Haaland, Tijjani Reijnders dhe Phil Foden, që u dhanë një epërsi të qetë mysafirëve.

Në fillimin e pjesës së dytë, City shtoi presionin dhe Foden shënoi golin e dytë personal brenda tri minutash. Më pas, Jeremy Doku detyroi një autogol nga Sander Berge, duke rritur rezultatin në 5-1.

Por Fulham-i nuk dorëzohej: Alex Iwobi shënoi golin e dytë vetëm tri minuta më vonë, ndërsa Samuel Chukwueze realizoi një ‘dopietë’ në minutat 72’ dhe 78’, duke e bërë rezultatin 5-4. Papritur, City ishte vetëm një gol përpara, me 12 minuta plus kohën shtesë për të luajtur.

Megjithatë, skuadra e Guardiolës arriti të ruajë avantazhin minimal dhe të marrë tri pikët. Në konferencën për shtyp pas ndeshjes, trajneri spanjoll shfaqi humorin e tij: “O Zot, po më bien flokët!”, duke komentuar tensionin e një ndeshjeje kaq dramatike.

Kjo fitore konfirmon aftësinë e City-t për të menaxhuar situata të vështira, ndërsa tifozët mbetën të mbushur me emocione pas spektaklit të ofruar nga të dy ekipet.

“Did you enjoy guys? Yeah, nice huh? My God, I lose my hair!” 😂

Pep Guardiola joking about the chaos after Manchester City’s wild win at Fulham 💬🔵 pic.twitter.com/z9BP7EZTHR

— BeanymanSports (@BeanymanSports) December 2, 2025