Mesfushori i Barcelonës, Dani Olmo, pritet të mungojë rreth tri javë pas një luksacioni në shpatull, të pësuar gjatë fitores 3-1 ndaj Atlético Madridit mbrëmjen e kaluar. Dëmtimi ndodhi pak minuta pasi ai shënoi një gol të shkëlqyer, që i dha avantazhin 2-1 skuadrës së Hansi Flick.

Olmo pësoi dëmtimin në shpatullën e majtë dhe, sipas raportimeve të para, ai nuk do të jetë i gatshëm për ndeshjet e mbetura të muajit: kundër Real Betisit, Eintracht Frankfurtit, Osasunas dhe Villarrealit.

Ky është një moment i pafat për mesfushorin spanjoll, i cili ishte duke kaluar periudhën më të mirë që nga rikthimi i tij në formë, me tre gola në dy ndeshjet e fundit. Mungesa e tij do të ndihet fort te Barcelona, veçanërisht në mesfushën kreative.

Megjithatë, pritet që rikthimi i Fermín López, i cili ka qenë jashtë fushave për shkak të një problemi në shpretkë, të lehtësojë pjesërisht mungesën e Olmos në ndeshjet e ardhshme.

Barcelona shpreson që Dani Olmo të rikuperohet plotësisht dhe të rikthehet në dispozicion menjëherë pas pushimit dimëror, duke qenë një nga lojtarët më të rëndësishëm në sistemin e Flick.