Milani vjen në ndeshjen ndaj Napolit pas tri fitoreve radhazi në Serinë A dhe avancimit në Kupën e Italisë, duke treguar se e ka lënë pas humbjen e javës së parë. Fitorja në Udine pa pësuar gol ishte e treta radhazi me portën e paprekur, një arritje që nuk ndodhte që nga shkurti 2023. Tashmë kuqezinjtë synojnë të arrijnë katër fitore radhazi për herë të parë që nga viti 2020. Megjithatë, testi ndaj kampionëve aktualë është vendimtar, sidomos duke kujtuar se sezonin e kaluar Milan fitoi vetëm një nga 14 ndeshjet kundër skuadrave që përfunduan mbi ta në renditje (5 barazime, 8 humbje).

Nga ana tjetër, Napoli i Antonio Contes e ka nisur sezonin në mënyrë perfekte, me katër fitore në katër ndeshje, përfshirë triumfin 3-2 ndaj Pizës. Ata kanë serinë më të gjatë të pamposhtur në pesë ligat kryesore të Europës (11 fitore, 5 barazime), ndërsa në transfertë janë të frikshëm: vetëm një humbje në 20 ndeshjet e fundit, me vetëm 12 gola të pësuar. Statistikat e fundit tregojnë gjithashtu se Napoli ka ruajtur portën e paprekur në pesë nga shtatë ndeshjet e fundit në transfertë.

Historikisht, Milani ka bilanc më të mirë në përballjet direkte (70 fitore ndaj 53 të Napolit), por në shtëpi ka fituar vetëm një nga tetë përballjet e fundit kundër napolitanëve. Sezonin e kaluar, Napoli fitoi si në “Maradona” (2-1), ashtu edhe në “San Siro” (2-0).

Lojtarët kyç: Christian Pulisic është në superformë me tre gola dhe një asist në dy ndeshjet e fundit, ndërsa Lorenzo Lucca gjeti golin e parë me Napolin javën e kaluar. Nga mungesat, Rafael Leão ende nuk ka debutuar këtë sezon në Serinë A, ndërsa Alessandro Buongiorno nuk do të jetë i gatshëm për Napolin.

Formacionet zyrtare: