Gennaro Gattuso e nisi me këmbën e mbarë aventurën e re në stolin e Italisë, duke triumfuar me shifrat e pastra 5-0 ndaj Estonisë. Një fitore që u jep moral të kaltërve në garën për kualifikimin në Botërorin 2026, edhe pse Norvegjia ruan ende një avantazh të madh falë fitores në përballjen direkte.

Itali – Estoni 5-0

Pas një pjese të parë të kontrolluar, ku Italia dominoi por pa arritur të gjente rrjetën, gjithçka ndryshoi në fraksionin e dytë. Moise Kean ishte ai që zhbllokoi rezultatin në minutën e 58-të me një goditje të fuqishme me kokë, duke i dhënë avantazhin skuadrës së Gattusos.

Vetëm pak minuta më vonë, Mateo Retegui dyfishoi shifrat (69’), duke finalizuar me një goditje të ulët dhe të saktë në cepin e majtë të portës, pa i lënë asnjë mundësi portierit estonez. Festa italiane u plotësua në minutën e 71-të nga Giacomo Raspadori, i cili u hodh saktë në zonë dhe me kokë shënoi për rezultatin 3-0. Në fund realizuan edhe Retegui e Bastoni për të vulosur shifrat në 5-0.

. Ky debutim i suksesshëm i Gattusos rrit besimin dhe entuziazmin në ambientin italian, me shpresën se kjo fitore do të shërbejë si pikënisje e një rrugëtimi të mbarë drejt Botërorit.

Tregon forcën edhe Franca me një fitore të pastër 0-2 në fushën e Ukrainës. Skuadra e Deschamps realizoi nga një gol në çdo pjesë më autorë Olise dhe Mbappe.

Ukrainë – Francë 0-2