Federico Valverde vazhdon të jetë një siguri absolute për Real Madridin. Në dy vitet e fundit, ai ka regjistruar 119 paraqitje nga 123 ndeshje, për një total prej 9,808 minutash në fushë, nga të cilat 6,676 vetëm në sezonin 2024-25, duke përfshirë edhe angazhimet me përfaqësuesen e Uruguait. Numrat flasin vetë.

Valverde është lojtar jashtëzakonisht i adaptueshëm, duke luajtur nga krahu i fushës deri në mesfushë, madje edhe në pozicione më të avancuara, duke treguar një përshtatshmëri të rrallë. Për Xabi Alonson, trajnerin aktual të Real Madridit, uruguaiani kujton Steven Gerrard: një mesfushor i aftë të ndikojë në çdo zonë të fushës, që kombinon sasitë me cilësinë.

Në ndeshjen kundër Osasunës, Valverde do të luajë si mesfushor qendror, roli i tij ideal për të lidhur linjat dhe për të krijuar lojë, pa harruar aftësinë për të gjuajtur nga distanca: 12 gola që nga sezoni 2022-23, vetëm pas Mbappé-së në pesë ligat më të mëdha europiane.

Trajneri spanjoll po ndërton një cikël të ri rreth Valverdes, me Tchouameni dhe Güler si elementë kyç. Qëllimi është të konsolidohet struktura e mesfushës, duke e bërë atë “trurin” e skuadrës, dhe duke i mundësuar ‘tredhëmbëshit’ sulmues të shfaqë maksimumin.

Me rikthimin e Bellingham-it dhe Camavinga-s, Valverde do të mbetet pika qendrore, ndërsa Mastantuono duhet të fitojë hapësirën e tij pa prishur ekuilibrin taktik. Real Madridi i ri, pra, fillon me V: një cikël i ndërtuar mbi rezistencë, inteligjencë taktike dhe përshtatshmëri, me Valverde-n si gur themeli i pazëvendësueshëm, simbol i vazhdimësisë dhe besueshmërisë në një skuadër në zhvillim të vazhdueshëm.