Manchester City ka një numër të ri 10 dhe ai është Rayan Cherki. Mesfushori ofensiv francez, i transferuar nga Lyoni në qershor para Botërorit të Klubeve, do të mbajë numrin që deri tani i përkiste Jack Grealish, i cili u huazua tek Evertoni.

Gjatë Botërorit të Klubeve në SHBA, Cherki mbajti numrin 29, duke debutuar në fitoren 2-0 ndaj Wydad-it dhe duke shënuar në triumfin 6-0 kundër Al Ain-it.

Në komunikatën zyrtare, klubi theksoi se dhënia e këtij numri simbolik francezit pasqyron aftësitë e tij si krijues loje, duke kujtuar se numri 10 është historikisht i lidhur me lojtarë të talentuar e kreativë.

Mes emrave të mëdhenj që e kanë veshur më parë këtë fanellë te City, veçohet Sergio Agüero, golashënuesi më i mirë në historinë e klubit.

Me Cherki-n që merr këtë numër ikonik, pritshmëritë te “Qytetarët” janë të larta për magji të reja në fushë.

Our new number 10 🆕💫 pic.twitter.com/r8Hx6WtlSY

— Manchester City (@ManCity) August 14, 2025