‘Ylli’ i Liverpoolit, Mohamed Salah, iu drejtua UEFA-s përmes një postimi në rrjetet sociale, duke kërkuar sqarime mbi një publikim të kësaj organizate që shprehu ngushëllime për vdekjen e Suleiman al-Obeid, i njohur si “Pelé-ja” i Palestinës.

Suleiman al-Obeid, sulmuesi palestinez, u vra nga forcat izraelite teksa po kërkonte ndihmë humanitare në Rripin e Gazës. UEFA në postimin e saj në rrjetin X e përshkroi atë si “një talent që u jepte forcë shumë fëmijëve, edhe në kohët më të errëta”. Por Salah iu përgjigj me një pyetje të fortë: “Mund të na tregoni si, ku dhe pse vdiq?”

Can you tell us how he died, where, and why? https://t.co/W7HCyVVtBE

— Mohamed Salah (@MoSalah) August 9, 2025

Sipas medieve ndërkombëtare, sulmet ushtarake të Izraelit në Gaza kanë shkaktuar vdekjen e më shumë se 800 sportistëve. Një tjetër figurë e njohur që reagoi pas lajmit për vdekjen e Suleiman al-Obeid ishte Eric Cantona, ish-sulmues francez, i cili pyeti me zemërim: “Sa kohë do të lejojmë që të ndodhë ky gjenocid?”

Suleiman al-Obeid la pas gruan dhe pesë fëmijë, duke theksuar tragjedinë e thellë që po përjeton populli palestinez në këtë konflikt.

View this post on Instagram

A post shared by Eric Cantona (@ericcantona)