Klubi francez, Paris Saint-Germain, thuhet se i ka caktuar çmimin e largimit portierit Gianluigi Donnarumma.

Portieri italian dhe drejtuesit parisien nuk po arrijnë marrëveshje për rinovimin e kontratës.

Kontrata e ish-portierit të Milanit skadon në verën e vitit 2026, kështu që klubi nga “Parc des Princes” nuk dëshiron ta humbasë me parametra zero.

Drejtuesit e parisienëve kanë vendosur tashmë të mos i ofrojnë më kontratë të re duke e vendosur në treg dhe duke treguar çmimin e tij.

Sipas gazetarit të njohur Ben Jacobs, PSG dëshiron të paktën 26 milionë paundë (30 milionë euro) për Gianluigi Donnarummën pasi vendosi të mos i ofrojë atij një kontratë të re.

Për portierin interesim kanë shprehur tashmë klubet angleze si Chelsea, Manchester City dhe Manchester United.