Barcelona e ka nisur fazën përgatitore në Azi me një fitore 3-1 ndaj Vissel Kobe në një miqësore ku shkëlqeu i riu Dro Fernandez. Ndërkohë, Marcus Rashford dhe portieri Joan Garcia debutuan me fanellën e re të skuadrës. Por, pavarësisht nisjes pozitive në fushë, jashtë saj nuk munguan problemet.

Sipas gazetës spanjolle El Mundo Deportivo, disa lojtarë janë ankuar për cilësinë e fanellave të reja, të cilat u veshën për herë të parë në ndeshjen kundër skuadrës japoneze të dielën (27 korrik). Megjithëse temperatura në Azi është shumë e lartë, duke detyruar trajnerin Xavi të ndryshojë orarin e stërvitjeve, lojtarët nuk e shohin këtë si justifikim për vështirësitë që ndjejnë me uniformat.

Raporti tregon se fanellat rëndohen shpejt për shkak të djersës dhe bëhen të pakëndshme gjatë lojës. Kapiteni Raphinha ka qenë më i zëshmi në këto ankesa. Ajo që bie në sy është se skuadrat e tjera që përdorin veshje të së njëjtës markë nuk kanë raportuar probleme të ngjashme.

Barcelona shpreson që uniforma e re për ndeshjet jashtë e dytë të mos ketë shqetësime. Ajo është ngjyrë ari me detaje të zeza dhe vjollcë.