Davor Suker, ish-sulmues i Sevilla, Real Madridit dhe i kombëtares kroate, ka vlerësuar nivelin e lartë të Botërorit të fundit për Klube, duke shprehur dëshirën që turneu të zhvillohet çdo dy vite, ashtu siç e dëshiron edhe Real Madridi.

“Turneu tregoi një nivel shumë të lartë, shpresoj që të bëhet kompeticion bienal”, deklaroi Suker, i cili aktualisht është ambasador i FIFA-s për Kupën e Botës 2026, që do të zhvillohet në SHBA, Kanada dhe Meksikë.

Duke analizuar turneun, ish-presidenti i Federatës Kroate të Futbollit (2012–2021) theksoi: “Të gjitha klubet treguan cilësi, por ato europiane mbeten ende superiore në aspektin fizik dhe taktik. Brazilianët dhe disa argjentinas shkëlqyen teknikisht, por gjysmëfinalet flasin qartë: tre nga katër skuadra ishin europiane, PSG, Chelsea dhe Real Madridi”.

Një admirues i madh i Luka Modric (i cili ndërkohë është transferuar te Milani), Suker ishte pikërisht ai që dikur ia rekomandoi mesfushorin klubit madrilen: “Rastësia midis gjeneratës së artë kroate dhe asaj të Real Madridit ka një emër: Luka Modric. Ai është një gjeni i kohës sonë. Shpresoj të na dhurojë ende emocione deri në Botërorin 2026”.