Lamine Yamal vazhdon të mahnitë botën e futbollit, dhe jo vetëm në fushë. Sipas analizës më të fundit të Football Benchmark, talenti 17-vjeçar i Barcelonës ka arritur një vlerë historike prej 279.70 milionë eurosh, duke u bërë futbollisti më i vlefshëm që nga viti 2018, kur kjo platformë nisi të publikonte vlerësimet e saj të detajuara për tregun europian.

Pas rinovimit të fundit të kontratës me Barcelonën, vlera e Yamal është rritur me 121.75 milionë euro vetëm që nga shkurti i vitit 2025, kur vlerësohej me 157.95 milionë euro. Kjo rritje e jashtëzakonshme e çon atë përpara emrave të mëdhenj si Kylian Mbappé dhe Erling Haaland.

Sipas të dhënave historike të Football Benchmark, vetëm katër futbollistë kanë kapërcyer ndonjëherë shifrën prej 200 milionë eurosh: Neymar (233.5 mln), Messi (209.9 mln), Mbappé (215 mln) dhe tani Yamal, që ka vendosur një rekord të ri absolut.

Top-10 futbollistët më të vlefshëm në botë sipas Football Benchmark:

• Lamine Yamal (Barcelona) – 279.70 mln €
• Kylian Mbappé (Real Madrid) – 236.90 mln €
• Erling Haaland (Man City) – 182.60 mln €
• Jude Bellingham (Real Madrid) – 179.70 mln €
• Vinicius Jr. (Real Madrid) – 171.50 mln €
• Bukayo Saka (Arsenal) – 155.70 mln €
• Jamal Musiala (Bayern) – 154.10 mln €
• Florian Wirtz (Liverpool) – 144.10 mln €
• Pedri (Barcelona) – 131.80 mln €
• Federico Valverde (Real Madrid) – 127.00 mln €

Në këtë listë nuk ka asnjë futbollist italian, ndërsa dominimi është i qartë nga klubet si Real Madrid, Barcelona dhe Manchester City. Ndërkohë, rritja galopante e vlerës së Yamal e bën atë jo vetëm një ‘yll’ të së tashmes, por edhe një garanci ekonomike për të ardhmen e katalanasve.