Milan ka debutuar me humbje nën drejtimin e Massimiliano Allegrit në miqësoren ndaj Arsenalit në Singapor, e vlefshme për turneun veror të përgatitjeve. ‘Gunners’ u imponuan me rezultatin 1-0, falë një goli të Saka në minutën e 53-të, duke shfrytëzuar një gabim të mbrojtjes kuqezi pas një topi të gjatë nga Kiwior. Pavarësisht disa momenteve pozitive në pjesën e parë, skuadra italiane pati shumë vështirësi në ndërtim dhe në finalizim, me Leao dhe Pulisic që nuk arritën të bënin diferencën në një partneritet ofensiv të lehtë fizikisht.

Goli i Saka

Allegri eksperimentoi me një formacion 3-5-2, duke përfshirë elementë si Saelemaekers dhe Bartesaghi në krahë, ndërkohë që mungonin emra të rëndësishëm si Maignan, Fofana, Modric apo Gimenez. Arsenali dominoi me 70% të posedimit dhe krijoi më shumë raste, por u ndal disa herë nga portieri i ri Torriani, i cili u bë figura më e spikatur e Milanit me tri pritje vendimtare në fundin e ndeshjes.

Pas përfundimit të sfidës, u zhvilluan edhe goditjet e penalltive, të cilat përfunduan 6-5 në favor të kuqezinjve. Torriani shkëlqeu sërish, duke ndalur tri penallti të Arsenalit dhe duke konfirmuar potencialin e tij. Megjithatë, rezultati nuk fsheh problemet e një Milani ende në ndërtim, që pritet të përforcohet edhe me afrimin e Estupiñán dhe ndoshta emra të tjerë në javët e ardhshme.

Goditjet e penalltive