Ivan Juriç do i mungojë Atalantës në stërvitjen e radhës. Trajneri kroat ka përfunduar në spital për shkak të një inflamacioni në rrugët e frymëmarrjes.

Kështu skuadra ku bën pjesë Berat Gjimshiti do vijojë seancat stërvitore pa qenë Juriç i pranishëm.

Vetë klubi njoftoi përmes një deklarate zyrtare për gjendjen e trajnerit.

“Atalanta njofton se trajneri Ivan Juriç është hospitalizuar në ditët e fundit, pas një inflamacioni serioz në rrugët e frymëmarrjes. Gjendja e tij aktuale po përmirësohet”, shkruan ndër të tjera Atalanta.

Juriç pasoi Gasperinin në krye të Atalantës. 49-vjeçari më parë ishte pjesë e Sauthemptonit, ku u largua pa lënë gjurmë.